لما تجيك دعوة الى حضور حفل زفاف لاحد الاشخاص

فإن الحريم في المنزل يعلنون حالة الطوارئ في اليوم الموعود


فتلقاهم صافين طابور عند باب الحمام .. من أجل أخذ دش بارد



*******************


ثم يهبون الى غرفة العمليات

فتحصلهم مايخلون مراية في حالها ..

** فتلقى منيرة عند مراية التسريحة تتمكيج


** وخلود عند مراية الدولاب تركب عدساتها


** ورقية عند مراية المدخل حق البيت تستشور شعرها


** وفاطمة محتارة أي فستان تلبس

وكلما اختاروا لها فستان .. قالت : لا .. قد شافوه عليّ


** ورغد تترجى اخوها : تكفى ود فستاني للمغسلة

وقول لهم يخلونه مستعجل


** وابتسام متوهقة مالقت الحلق اللي يناسب لون فستانها


** وشوق تقول لاخوها : تكفى مر على جارتنا

وخذ من عندها الاكسسوار التفاحي



** وهنوف .. انفرط سحاب فستانها .. وتبي الخياط يصلحه


<<< والله من السمنة الزايدة

*****************


وصجة .. ولجة .. وحوسة ...

وكلهم في سباق مع الزمن ..


( طبعا ياعيني عالرجال .. ثوب وشماغ .. وانتهت السالفة )


************************************

بعد ذلك .. يركبون السيارة بعد ما بح صوت ابوهم

وهو يناديهم ..





** والمصيبة اذا اخذوا مسافة بالسيارة وجتك فاطمة

تشهق شهقة قوية .. ويقولون : اشفيييييك

وترد عليهم : نسيت شنطتي تكفى يبه رجعنا للبيت


********************


وبعد عناء طويل يصلون الى القصر ويدخلون


******************


ومن يوم تبدأ الطقاقة بقرع الطبول

تلقى الوحدة تهزّ .. وتهتز وهي لسّا باقي على الكرسي


**********************


ثم يتوافدون الى المسرح .. وشف الرقص كيف


** اللي تحط رجلها من شرق المسرح الى غربه

ولا احد يدري اش بلاها

**********

** واللي تهز وهي واقفة مكانها بركاااادة .. وعلى بالها أنوثة ..


******************


وتعال شفهم اذا غنت الطقاقة .. ( يالتكسي )

وقالت : وخذ يمين و بعد يمين ..

تلقا الحريم فعلا ماخذين اللفة يمين في يمين


<<< طبعا من غشامتهم .. يتصاقعون في بعض

************


والوحدة فيهم بتتشقق من الفرحه اذا جت الطقاقة بجنبها

وقالت : يا احمر يا احمر .. عاشو .. على قلبي

<< طبعا الافندية فستانها احمر ..

*****************


** وتلقا ثنتين هناك يرقصون نفس رقص العراقيات في عرب شمّر

وطبعا العجايز منصدمات .. ومافيه الا قوة دعاوي على هالبنات


**************


** واذا جت اغنية مصرية ..

تلقا الاغنية والايقاع في وادي .. والرقص في واد آخر

الا من رحم الله ..

<< واللي تعرف ترقص مصري .. تلقى البنات يتشحثونها تقوم

وهي ترفض ..

طبعا من حقها .. تخاف يصكونها بعين على كيفك
***********


والوناسة اذا قالت الطقاقة : ( رقصة خاصة لاهل العروس )

تلقاهم يستلجون اذا قالت : ( كل آل " فلان " خيّالة )


<<< وهم في الحقيقة .. لم يركبوا حصانا قط ..

بس يالله لزوم المدح

غالي الروح...

يسلموو ع الطرح .. يعطيكـ ربي ألف عافية / ~

لا والله مو صحيح

نحااايس بقوه تماسيح هع

سلمت خيي

عسوولهـ

ههههه

مشكوره ع المرور

وتعال شفهم اذا غنت الطقاقة .. ( يالتكسي )

وقالت : وخذ يمين و بعد يمين ..

تلقا الحريم فعلا ماخذين اللفة يمين في يمين


<<< طبعا من غشامتهم .. يتصاقعون في بعض



آللهم لآ شمآته ..>> شآيفه هآلموقف من قبل ،

يعطيك آلعآإفيه أخوي وكثر منهآ >> بتنذبح هع ..

ههههههههههههههههههههههههه

وربي صح كل اللي قلته غالي هههههههههههههه

وربي موت من الضحك الله يرجك

وااااااااااااااااااااااااي فله البنات هع

يسلمو اخوي عالطرح الشييي

كثر من هالمواضيع تكفى

عيوني

غالي الرووح
هذاك اول الرجاال شمااغ وثووب وكاان الله غفوور رحيم

اللحين الرجال يتمكيج حاله حال البنت
يحف حواجبه

يمشي نفس مشيتهم
يلبس ضيق نفسهم

يتعطر بعطرهم
خبرك قديييم بالرجاال انت>>

عموما
شاكر لك طرحك

لا تحرمنا جديدك
تقبل مروري

عـاااشـق

هههههههههههههههههههه

لاموصحيح هذي اشاعات الله يساعدنا على حقدكم هههههههههههه

اسمعو يقولون اشاعات مااقول
الا الله يستر من الاشعاعات النوويه ا
لي تبع نبويه...

مشكورين على الطله الجميله